إيفان علي عثمان
اللوحة: الفنان الأميركي جون برامبيلت
الفن الحلو مش بالفلوس الكتير
شوالات القصاقيص
متعملش حاجة عليها القيمة
الفن لا مكان فاضي
ولا ناس بتنظف الهوا الفاسد
اللي عمل
جزيرة غمام
الشغل الجامد ده
ما كانش شايل طوب بين الضلوع
كان جار بنورة مليانة ملح وسكر
إنسان من لحم طري ودم بحري
بيحكي للعقول وبيطبطب على القلوب
كان يعلم ويتعلم
اللي اتعلم
كسب الوجع
واللي ما اتعلمش
خسر الوجع.
اولاد الهرمة
بيصرفوا كد المعاشات
وفي الآخر تطلع حاجات عفشة
الفن مش
نور وركص وخلجات وافيهات
الفن
ميتحطش في برواز
ويتعلق على الحيطان
والناس تجي تتصور
وتبروز الصورة
فاكرينها فوضى اولاد الهرمة
جزيرة غمام
كطر طويل
ماشي على سكة الزمن
مليان جوع وعطش
مبيوكفش
ولا عندو معاد مع محطة
حتى لو جت الزوبعة
حيعدي
كيف كسرة الدم في الأرض
كيف نقطة السم في العشق.
حانة الشعراء 