في قانون الجاذبيه

فيه حكايه متداريه 

أيوه .. لأ

مش هيه هيه 

لما نعرف 

إن شكل الأرض دايره

ولا داحيه

فيه أكيد شئ مختلف.

شئ يخلي المستقيم 

اللي انت شايفه 

منحرف.

*   *   *

في قانون الجاذبيه

تبقى جايز

جي في الترتيب أخير

بس وضعك شئ مثير

(العدل يصبح منهجك

والحق يسكن مطرحك

واما الغلابه تلمحك

تقعد في ضلك تسمعك)

يعني، يلزملك كاريزما

لو في سِلم

ولو في  أزمة

*   *   *

في قانون الجاذبيه

عينك الحلوه الذكيه

تشد قلب الخلق شدْ.

يعني يبقى الحب عندك

شئ ضروي 

وللأبدْ.

هيه دي أصل الحكايه

وهيه ديه الجاذبيه

في قانون الجاذبيه.