هنضحك ع المشاكل دي..

سوا بعدين 

هنتريق على العلاوات

 ومين قال إيه

وقاله ازاي 

وجون ضايع على المغلوب 

وليه الواد ماخبطشي

وإمتى تاهت المشاوير

وراحت فين بأحلامنا

ومين طبطب 

ومين هَوهَو

ومين هز لنا راسه ونام 

وفي الآخر.. طلع فهمان! 

وعارف مين بيسرق كام! 

تصدق بعد كام شَلّوت 

هنتريق على الأحزان؟ 

ونشرب شاى بدون سكر 

ونلعب طاولة ع الأيام!

*** 

أنا جاي لكو من بكرة 

هتيجو ماتلاقوش ألوان 

فيعني اتنيلو عيشو 

كأن الدنيا في الفنجان 

أنا عن نفسي.. 

مش لاعب 

ورايح أقفل الدكان!